News
Լրահոս
News
Երեքշաբթի
Հոկտեմբեր 27
USD
493.24
EUR
582.42
RUB
6.45
ME-USD
0.01
Տեսնել լրահոսը


Խաղաղ բնակչության շրջանում առ այսօր 11 զոհ ունենք։ Այս մասին այսօր՝ հոկտեմբերի 1-ին, լրագրողների հետ հանդիպմանն ասաց Արցախի Մարդու իրավունքների պաշտպան Արտակ Բեգլարյանը։

«60-ից ավելի վիրավոր ունենք, որից 42-ը մեր արձանագրմամբ լուրջ վիրավորում ունեն։ Առաջին չորս դեպքը եղել է սեպտեմբերի 27-ին, Մարտունի քաղաքում 2 քաղաքացի է սպանվել, մեկը՝ տարեց, մյուսը՝ մանկահասակ։ Հադրութում 79-ամյա կին է սպանվել, և Մարտակերտի շրջանի Մեծ շեն գյուղի մոտ երիտասարդ տղա է սպանվել։ Երեկ Մարտակերտում ռմբակոծություն էր տեղի ունեցել, որի հետևանքով 3 տարեց քաղաքացի էին մահացել, որոնք ընտանիքի անդամներ էին, նրանցից 2-ը կին էին, մեկը՝ տղամարդ։ Իսկ այսօր Մարտունի քաղաքում տեղի ունեցավ թիրախային հրետակածություն, ինչի հետևանքով նախնական տվյալով՝ 4 հոգի սպանվել է, 11 հոգի վիրավորվել, ներառյալ՝ լրագրողները»,- ասաց Արտակ Բեգլարյանը։

Սեպտեմբերի 27-ին Հադրութի իր բնակարանում տարեց կինը, ըստ Արտակ Բեգլարյանի՝ սպանվել է կամիկաձե անօդաչու թռչող սարքի հարվածից։

«Դրանից ենթադրվում է, որ քաղաքացիական բնակչությունը թիրախավորվել է, քանի որ եթե հրետանու պարագայում հեռավորության վրա որոշակի շեղման հնարավորություն կա, ապա հարվածային ԱԹՍ-ները համարվում են բարձր դիպուկայնությամբ զենքեր, հետևաբար այստեղ սխալի հավանականություն գրեթե չկա։ Ակնհայտ է այս և այլ դեպքերից, որ քաղաքացիական բնակչությունը միտումնավոր կերպով թիրախավորվում է Ադրբեջանի Զինված ուժերի կողմից, ինչը միջազգային մարդասիրական իրավունքի նորմերի կոպտագույն խախտում է, ավելին՝ պատերազմական հանցագործություն է»,- նշեց ՄԻՊ-ը։

Վիրավորման 31 դեպքից 23-ն արձանագրվել է բնակության վայրերում։ Սա ըստ ՄԻՊ-ի՝ կարևոր հանգամանք է, որից կարելի է ենթադրել, որ Ադրբեջանի ԶՈՒ-երը նախագզուշական միջոցներ չեն կիրառել, ինչպես միջազգային մարդասիրական իրավունքն է նախատեսում։

«Անակնկալ հարվածներով թիրախավորել է քաղաքացիական բնակչությունը, այլապես նրանք իրենց տան բակերում կամ բնակարաններում չէին վիրավորվի, նույնը վերաբերում է նաև սպանություններին, գլխավորապես՝ այդ դեպքերն էլի իրենց բնակարաններում են արձանագրվել»,- ասաց նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանի ԶՈւ հարվածի հետեւանքով Մարտակերտում կա քաղաքացիական առնվազն 1 զոհ եւ վիրավորներ. Արցախի ՄԻՊ
Կա քաղաքացիական առնվազն մեկ զոհ եւ մի քանի վիրավոր…
Արցախի ԱԳ նախարարը ֆրանսիացի պատգամավորներին երախտագիտություն է հայտնել համերաշխության համար
Ֆրանսիայի խորհրդարանի պատգամավորները Արցախի ԱԳՆ ղեկավարին են հանձնել Ֆրանսիայի խորհրդարան ներկայացված Արցախի Հանրապետության ճանաչման մասին…
Հրադադար հաստատելու Միացյալ Նահանգների միջնորդական ջանքերը ձախողվել են. Նիկոլ Փաշինյան
Որպես հետեւանք՝ այսօր Արցախում Ադրբեջանի կողմից շարունակվող հրետակոծությունից զոհվել ու վիրավորվել են խաղաղ բնակիչներ…
ՊՆ․ Հատուկ խնդիրների լուծման համար հակառակորդի կողմից F-16-ի օգտագործման ապացույցներ կան
Մասնավորապես, բարձր ճշգրտության մարտական արկեր են օգտագործվել․․․
Բոլորս ոգեւորված ենք ու շատ ենք շտապում լինել մարտի դաշտում. տավուշցի կամավորականները մեկնում են ռազմաճակատ
Միասնական ուժերով պետք է հաղթել թշնամուն. այս գաղափարի շուրջ են համախմբված բոլորը քաջ գիտակցելով օրհասական այս պահին մեկ բռունցք դարձած պետք է պայքարել…
Տեսանորությունների հատուկ թողարկում՝ ռուսերեն - 26.10.2020
Տեսանորությունների ամփոփիչ թողարկման մեջ ներկայացված են վերջին լուրերը, օրվա երկրորդ կեսի գլխավոր իրադարձությունները․․․
Ամենաշատ