Ագրեսիվ հռետորաբանությունը չի հանգեցնի ղարաբաղյան հակամարտության կարգավորման: Անհրաժեշտ է ձեռնարկել կոնկրետ գործողություններ` ուղղված տարածաշրջանում լարվածության թուլացմանը, «Դոժդ» հեռուստաալիքի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Ոչ մի ագրեսիվ հայտարարություն երբեք չի հանգեցնի ցանկալի արդյունքի, եթե, ի վերջո, մենք իսկապես անկեղծորեն ցանկանում ենք հասնել Լեռնային Ղարաբաղում լարվածության թուլացմանը»,- ասել է նա, հաղորդում է ՏԱՍՍ-ը:
Զախարովան նշել է, որ հակամարտությունը հաջողությամբ լուծելու համար անհրաժեշտ է նախապատվություն տալ ոչ թե թշնամական հռետորաբանությանը, այլ կոնկրետ գործողություններին: «Եթե ագրեսիվ հայտարարությունները կարողանային լուծել այս հարցը, երեւի շատ ավելի հեշտ կլիներ, եւ ընդհանրապես խնդիրներ չէին լինի: Բանն այն է, որ դրանք ոչ միայն չեն նպաստում նպատակին հասնելուն, այլեւ շատ առումներով ընդունակ են սրել իրավիճակը»,- նշել է նա: