Կանադայի Օնտարիո նահանգի օրենսդիր մարմնի հնդիկ պատգամավոր Գուրաթան Սինխը դատապարտել է Արցախի խաղաղ բնակչության նկատմամբ Ադրբեջանի կողմից կասետային ռումբի կիրառումը: Սինխը խորհրդարանում իր ելույթում անհրաժեշտ է համարել անմիջապես վերջ տալ Լեռնային Ղարաբաղի հակամարտությանը: Նա Twitter-ի իր էջում հրապարակել է ելույթի տեսագրությունը:
«Հենց հիմա աշխարհը հետևում է մարդու իրավունքների ոլորտում ծավալվող ճգնաժամին։ Մարդիկ անհանգստացած են Լեռնային Ղարաբաղի շարունակվող հակամարտությամբ, որը նաև հայտնի է որպես Արցախ, և նրա ավերիչ հետևանքներով ՝ մարդկանց մահով, ցավով, տառապանքով։ Մենք պետք է անհապաղ վերջ տանք այդ հակամարտությանը։ Լեռնային Ղարաբաղից դաժան տեղեկություններ են ստացվում բռնության, դպրոցների ու հիվանդանոցների վրա հարձակումների, խաղաղ բնակիչների վիրավորումների ու սպանությունների մասին։ Միջազգային կազմակերպությունները, նույնիսկ, հայտնել են Ադրբեջանի կողմից կասետային ռումբերի օգտագործման մասին։ Ադրբեջանի կողմից այդ ռումբերի կիրառումը սարսափ է առաջացնում»,- ասել է խորհրդարանականը:
Նա նշել է, որ խաղաղ բնակչության նկատմամբ կասետային ռումբի կիրառումը հակասում է միջազգային մարդասիրական իրավունքներին:
Right now, the world is watching a human rights crisis unfold – and Armenians across Canada are concerned.
— Gurratan Singh (@GurratanSingh) October 28, 2020
Armenians in Nagorno-Karabakh need access to life, liberty & self determination. I stand with the call for an immediate end to hostilities & a permanent solution for peace. pic.twitter.com/NIM0vtxRwG
