Այս օրերին Նիդերլանդների Խորհրդարանի նախկին պատգամավոր  Հարրի վան Բոմմելը գտնվում է Հայաստանում. նա մասնակցում է ՀԲԸՄ-ի (AGBU) կողմից կազմակերպված Եվրոպայից ժամանած քաղաքական գործիչների մեծ միջազգային  կոնֆերանսին։ Կոնֆերանսի շրջանակներում  հրավիրվածները խորապես ուսումնասիրում են Արցախյան խնդիրը եւ փնտրում ուղիներ՝ միջազգային հանրության ուշադրությունը գրավելու, նրանց մասնակցությունն այս հարցի լուծմանը  ակտիվորեն խրախուսելու եւ մարդասիրական նպատակով պատերազմը կանգնեցնելու համար։

Հարրի վան Բոմմելն այսօր այցելել է Հադրութից ժամանակավոր տեղահանված մեր հայրենակիցներին, այցելել է նաեւ Գորիսի Ֆրանս-Հայկական Սրտանոթային Կենտրոն ։ Բոմմելը կոչ է արել Եվրոպային բարձրաձայնել հայերին ընդդեմ կատարվող վայրագությունների փաստը։

Շնորհակալ ենք Հարրի վան Բոմմելին' մարդասիրական առաքելությունն իր ուսերին վերցնելու, ՀԲԸՄ-ի հետ համատեղ Եվրոպային մեր խնդրի մասին իրազեկելու տարատեսակ ուղիներ փնտրելու համար։