ԵՄ արտաքին գործերի եւ անվտանգության քաղաքականության գերագույն հանձնակատար Քեթրին Էշթոնը ողջունում է Հայաստանի խորհրդարանի որոշումը` համաներում հայտարարելու մասին:
ԵՄ-ն հայտարարությամբ ողջունել է Հայաստանի նախագահի նախաձեռնությունը` վերսկսել 2008թ. մարտի 1-ի իրադարձությունների հետաքննությունը:
«Դա կարեւոր իրադարձություն է Հայաստանի համար, որը բխում է ԵՄ, նաեւ ԵԱՀԿ Մարդու իրավունքների եւ ժողովրդավարական հաստատությունների գրասենյակի պահանջներից: Ես կոչ եմ անում Հայաստանի քաղաքական ուժերին օգտագործել այդ հնարավորությունը` երկխոսությունը վերականգնելու համար»,- ասված է հայտարարության մեջ:
Նշենք, որ Սերժ Սարգսյանի առաջարկով համաներում է հայտարարվել, որով ազատ են արձակվում 396 դատապարտյալներ: Մասնավորապես, ազատ են արձակվել նաեւ քաղբանտարկյալներ, «Հայկական ժամանակ» օրաթերթի գլխավոր խմբագիր Նիկոլ Փաշինյանն ու նախկին պատգամավոր Սասուն Միքայելյանը: