ՌԴ ԱԳՆ-ին ոչինչ հայտնի չէ Մինսկի խմբի փոխարեն որեւէ երկկողմ ձեւաչափի ստեղծման մասին: Այս մասին հայտարարել է ԵԱՀԿ Մինսկի խմբի ռուս համանախագահ Իգոր Պոպովը՝ մեկնաբանելով Լեռնային Ղարաբաղում հակամարտության կարգավորման հարցով աշխատանքային խմբի ստեղծումը, որը կարող է գործել ԵԱՀԿ Մինսկի խմբին զուգահեռ:
«Նախագահների զրույցի բովանդակության մասին ավելի լավ է հարցնել հենց նրանցից: Սակայն Մինսկի խմբի փոխարեն որեւէ երկկողմ ձեւաչափի ստեղծման մասին ՌԴ ԱԳՆ-ում ոչնիչ հայտնի չէ:
Շարունակում ենք ելնել ՄԽ համանախագահների չեզոք դերից, որոնք կարեւոր ներդրում ունեն ԼՂ հակամարտության կարգավորման հիմնական սկզբունքների մշակման գործում, որոնք ընկած են ս.թ. նոյեմբերի 9-ին Հայաստանի, Ադրբեջանի եւ Ռուսաստանի առաջնորդների հայտարարության մեջ գրանցված համաձայնությունների հիմքում:
Ելնում ենք նրանից, որ ձեռքբերված պայմանավորվածություններն անհրաժեշտ պայմաններ են ստեղծում ԼՂ շուրջ ճգնաժամի երկարաժամկետ կարգավորման համար՝ արդար հիմքով եւ հայ եւ ադրբեջանցի ժողովուրդների շահերի հիման վրա »,-ասել է Պոպովը: