Ստամբուլի Քյուչյուքչեքմեջե թաղամասում իրականացրած միտինգից հետո Քազլըչեշմե գնացող «Ազգայնական շարժում» կուսակցության կողմնակիցները ճանապարհին վիճաբանության մեջ են մտել քրդական «Խաղաղություն եւ ժողովրդավարություն» կուսակցության կողմնակիցների հետ, որը վերածվել է ծեծկռտուքի:
Թուրքական Beyazgazete-ի փոխանցմամբ՝ երկու կուսակցության կողմնակիցները ճանապարհին հանդիպելով միմյանց նախ սկսել են իրար նկատմամբ վիրավորական արտահայտություններ անել, որից հետո գործը անցել է բռունցքների եւ մահակների։ Ծեծկռտուքի ընթացքում կոտրվել է «Ազգայնական շարժում» կուսակցության Քյուչուքչեքմեջեյի շրջանային կառույցի ղեկավար Էրքան Քուրումլուի ծնոտը։
Դեպքի վայր ժամանած ոստիկանությանը հաջողվել է կանխել անկարգությունների տարածումը։
