Այս պահին Երևանի տարբեր մասերում մեծ թվով քաղաքացիներ փակում են փողոցները՝ պահանջելով Նիկոլ Փաշինյանի հրաժարականը: Սարյան փողոցը փակել են «ՎԵՏՕ» շարժման անդամները:
Նրանք բարձրախոսով վանկարկում են «Նիկոլ դավաճան»:
Ակցիայի ինչ-որ պահի քաղաքացիական հագուստով մի քանի մարդիկ հարվածեցին «ՎԵՏՕ»-ի ղեկավար նարեկ Մալյանին:
Վերջինս հայտարարեց. «Նիկոլ Փաշինյանը իր վարձու սադրիչներին է ուղարկել, դիմակներով եկան հարձակվեցին ինձ վրա, բայց չստացվեց: Նիկոլ Փաշինյանը ծախել է հայրենիքը»:
Ավելի ուշ ոստիկանները ժամանեցին Սարյյան փողոց եւ սկսեցին բերման ենթարկել քաղաքացիներին, այդ թվում Մալյանին:
Հիշեցնենք, որ արդեն երկրորդ օրն է՝ Նիկոլ Փաշինյանի հրաժարականը պահանջող քաղաքացիները Երևանի տարբեր վարչական շրջաններում փակում են փողոցները, ինչի ընթացքում տասնյակ ցուցարարներ բերման են ենթարկվել։ Այսօր նմանատիպ ակցիաներ տեղի են ունեցել նաև Գյումրիում։
