News
Լրահոս
News
Չորեքշաբթի
Հունվար 27
USD
518.26
EUR
628.49
RUB
6.86
ME-USD
0.01
Տեսնել լրահոսը


Կառավարության դիմաց Նիկոլ Փաշինյանի հրաժարականի պահանջով հացադուլի հերթական գիշերը նորմալ է անցել, ոստիկանները նորմալ հերթապահում են: Այս մասին այսօր՝ նոյեմբերի 25-ին, NEWS.am-ի հետ զրույցում նշեց հացադուլ հայտարարեց ՀՅԴ անդամ, «Երկիր մեդիա» ՀԸ լրատվական բաժնի տնօրեն Գեղամ Մանուկյանը:

«Հիմա ամենաքիչ հետաքրքրողը գիշերը լավ անցկացնելն ու լավ ինքնազգացողությունն է, որովհետեւ թե գիշերը, թե լուսաբացը սեւ է: Մենք կորցրեցինք Արցախյան  պայքարի մի անհավատալի ձեռքբերում, որը պահվել է սերունդների գնով,  պահվել է մեր 18-20 տարեկան զինծառայողների գնով, որոնք միսներ շարունակ ձների մեջ իրենք մարտական հերթապահություն իրականացնելով, մեր ընդհանուր հայրենիքի դարպասն են պաշտպանել: Իսկ այսօր մի դարպասի փակումով փակվեց մեր ժողովրդի առջեւ: Փակողը փակեց մեկ ստորագրությամբ եւ նա այս շենքում է գտնվում»,-ասաց նա:

Դիտարկմանը, որ վարչապետ Նիկոլ Փաշինյանը հարցազրույց է տվել եւ նշել, որ ընդդիմության կողմից հնչող կոչերը հայ հանրության աջակցությունը չեն ստանում, Գեղամ Մանուկյանն ասաց. «Փաստորեն 2,5 տարում աթոռն այնքան սիրեց, որ քաղաքացիների պահանջը հաշվի չի առնում: Իրականում, ինքը սխալվում է, երբ ասում է՝ ժողովուրդը չի հավաքվում: Ընդդիմադիրները իր պես սուտ չեն ասում, դրա համար էլ թերեւս 2-3 հազար  ավել մարդ չի հավաքվում: Ինքը տապալված է, հանրությունն էլ պետք է ապացուցի, որ պատմության դասագրքերում չի լինելու, որ երկիրը կապիտուլյացիայի հասցնող վարչապետը կարողացավ պաշտոնավարել: Դասագրքերում լինելու է, որ այդքան պայքարից հետո կորցվեց հայրենիքի մի մասը: Հանրությունը պետք է ցույց տա, որ մի կետ էլ լինի պատմության դասագրքերում, որ հանրությունը քշեց նրան»:

Նա հավելեց, որ Փաշինյանը չի կարող բանակցել Արցախի հարցում, որովհետեւ մարդկայնորեն նա չի կարող նստել թշնամի երկրի ղեկավարի դեմ դիմաց. «Այսօր վարչապետի գլխավոր խորհրդական է նշանակվել Արայիկ Հարությունյանը, դրանով ամեն ինչ ասված է: Իրենք կտրված են իրականությունից: Ուղղակի տունտունիկ են խաղում, 2,5 տարի տունտունիկ խաղացին, շոու սարքեցին»:

Տպել
Կարդացեք նաև
Ամբողջը
Իշխանություններն ամեն կերպ փորձում են լղոզել հիմնական քաղաքական օրակարգը. «Բարգավաճ Հայաստան»
Իշխող ուժն այլեւս խորհրդարանում չունի ձայների անհրաժեշտ 2/3-ը...
«Իրավունք» . «Որեւէ մեկը չփորձի այլ ուժերի հետ «տակից խաղեր տալ». Արարատի նոր մարզպետը «մառոզ» է անում
Մարզպետը հավատացնում է գյուղապետերին, որ իրենք են ներկա եւ եկող իշխանությունները...
«Հրապարակ»․ Եթե Ռուբեն Վարդազարյանը հրաժարական չտա, պարտավոր է 5 տարի աշխատել այդ պաշտոնում․ ԲԴԽ անդամ
Խորհուրդը տասն անդամից է բաղկացած, եւ երկու անդամը, ենթադրենք, ուզենան նման խնդիր առաջացնել, ի վիճակի չեն լինի...
«Ժողովուրդ». Մեծ բլեֆ «Իմ քայլի» կողմից
Սա առաջին տպավորությունն է: Իսկ իրականում...
«Ժողովուրդ». Ընդդիմության լիդերները եւ Ռոբերտ Քոչարյանը այլ մտադրություն ունեն. ինչ է սպասվում շաբաթվա վերջ
Պատրաստվում են միմյանց տեղեկացնել, որ այլեւս չեն ցանկանում շարունակել լինել «Հայրենիքի փրկության շարժման» թեւում...
«Հրապարակ». Ռոբերտ Քոչարյանի թիմակիցներն արջի ծառայությո՞ւն են մատուցում
Թիմակիցները 24/7 ռեժիմով մտնում են մոտն ու համոզում, որ իր ռեյտինգն ամենաբարձրն է…
Ամենաշատ
Ֆոտոռեպորտաժներ