Ավստրիայի ոստիկանությունը առգրավել է հսկայական քանակությամբ ավտոմատ զենք, պայթուցիկ եւ ձեռքի նռնակներ, որոնք նախատեսված են եղել ծայրահեղական խմբավորումների համար Գերմանիայում, ասել է Ավստրիայի ՆԳ նախարար Կառլ Նեհամմերը, հայտնում է Reuters-ը:
Տների մի շարք խուզարկությունների արդյունքում ձերբակալվել է հինգ մարդ, մամուլի ասուլիսում ասել է Նեհամմերը:
«Մենք հզոր հարված հասցրինք Ավստրիայում աջ ծայրահեղական խմբավորմանը եւ կազմակերպված հանցավորությանն ու նրանց կապերին»,- ասել է նախարարը:
Ըստ նրա., խումբը զինանոց է կուտակել՝ սոցիալական, ժողովրդավարական հիմնարար ազատությունների դեմ հարձակումների համար:
Հանցավոր ցանցը ակտիվ է եղել Գերմանիայում, այս գործով հետաքննությանը մասնակցել են նաեւ Բավարիայի եւ Վեստֆալիայի սպաները: