Այս տարվա պատերազմը դեռ մի քանի տարի կլինի քննության առարկա, եւ խոսքը ոչ միայն վերլուծական, քննականի մասին է, այլ նաեւ քրեական. Կբացվի քրգործ եւ տեղի կունենա նախաքննություն: Այս մասին, այսօր՝ դեկտեմբերի 21-ին, լրագրողների հետ հանդիպման ժամանակ նշեց ՀՀ նախկին վարչապետ Հրանտ Բագրատյանը:
«Մենք խոսեցինք, որ ռամզավարական զենքերը Հայաստանի կողմից չեն կիրառվել, խոսեցինք, որ եղել է հրաման հետ գալու: Եկեք քննարկենք մի էպիզոդ Արմեն Փիլոյանի մասով, որը նշանակվեց նախարար: Մարդը ջախջախել է տվել բանակը, որի համար ստանում է հերոս եւ կառվարության անդամ: Որտե՞ղ է դրսեւորվել նրա հերոսությունը: Կան բացահայտ սխալ ազդանշաններ, օրինակ Շուշիի մասով, երբ բացակայտորեն զորքեր չենք տեղափոխում, պաշտպանում, բայց կան նաեւ դավաճանական դեպքեր, ընդհուպ մինչեւ խոշոր գումարի դիմաց հակառակորդի հետ պայմանավորվելու խնդիր:
Առնվազն երկու մարդու մասով ես տեսնում եմ դավաճանության լուրջ հիմքեր: Առաջինը եւ հիմնական Նիկոլ Փաշինյանն է: Ես անձամբ մեղադրում եմ Փաշինյանին, որ ձեռքի տակ ունեցել է զենք, որը չի կիրառել: Խոսքը, մասնավորապես, մեր միջուկային թափոնների մասին է, որը մեկ օրում կկանգնեցներ ադրբեջանականթուրքական բանակի առաջընթացը: Ընդ որում իրեն ասվել է այդ մասին»,-ասաց Բագրատյանը:
Նա ընդգծեց, որ հոկտեմբերի 9-ին, երբ Փաշինյանն ընդունել է մի խումբ արտախորհրդարանական ուժերին, Նարինե Դիլբարյանն ասել է իրեն՝ իսկ ինչի՞ չեք հրավիրել Հրանտ Բագրատյանին. «Ասել է՝ վաղը կհրավիրեմ, եւ սուտ է խոսել: Սեպտեմբերի 28-ի գիշերը ես Ղարաբաղի ղեկավարությանն ասել եմ՝ ունեք մի խնդիր՝ հեռացրեք Նիկոլ Փաշինյանին: Մենք այստեղ չունենք Ադրբեջանի բանակի խնդիր, մենք չունենք Բայրաքթար եւ այլն: Նրանք ասել են՝ եթե Նիկոլ Փաշինյանը գնա, իսկ հակառակորդը շարունակի գրոհը, ես ասել եմ՝ շատ հստակ ունեք պաշտպանության ձեւ: Վերջապես մենք ունենք մի բան, որ հակառակորդը չունի: Սրանից արդեն դավաճանության հոտ է գալիս:
Նիկոլ Փաշինյանի մոտ դավաճանության այս հոդվածը կաված է այն բանի հետ, որ հյուսիսը պահում էր, իսկ հարավում, կարծես պայմանավորվել էր, ասել էր՝ սիրուն կգաս, կմտնես Շուշի, էդտեղ կկանգնես: Հարավում նա անընդհատ ասում է՝ նահանջեք, հետ եկեք, ընդ որում շատ հախուռն կազմակերպելով այդ նահանջը: Մի զորամասը մտնում է մյուս զորամասի թիկունք՝ ստեղծելով խուճապ»,-ընդգծեց Հրանտ Բագրատյանը:
