Նման բանի մասին խոսել չի կարելի, որովհետև նախ հանդիպումը դեռ տեղի չի ունեցել։ Այս մասին, այսօր՝ դեկտեմբերի 29-ին, ԱԺ-ում լրագրողների հետ զրույցում նշեց ԱԺ փոխնախագահ Ալեն Սիմոնյանը` անդրադառնալով հարցին, թե որքանով են ճիշտ տեղեկությունները, որ Նիկոլ Փաշինյան-Գագիկ Ծառուկյան այսօր կանայալիք հանդիպմանը քննարկվելու է ԲՀԿ-ին նախարարական որոշ պորտֆելներ տալու հարցը:
«Գիտեք, որ վարչապետ Փաշինյանն առաջարկել է հանդիպումներ ունենալ և քննարկել քաղաքական իրավիճակը խորհրդարանական և արտախորհրդարանական ներկայացուցիչների հետ։ Շատ ուրախ եմ, որ թե ԲՀԿ, թե ԼՀԿ, թե այլ կուսակցություններ հայտարարել են, որ պատրաստ են այդ քննարկումներին։ Ենթադրում եմ, որ այդ արձագանքը լինելու է այդ հայտարարության շրջանակներում»,-ասաց նա: