Երեկ Հայաստանի տարածքում տեղադրվեց ցուցանակ՝ «բարի գայուստ Ադրբեջան». Ես չեմ կարողանում հասկանալ, թե սրանից հետո էլ ինչ պետք է լինի, որ մարդիկ արթնանան, պետք է հասնեն մարդկանց ննջարա՞ն: Այս մասին այսօր՝ դեկտեմբերի 29-ին, ընդդիմության երթից առաջ լրագրողների հետ զրուցյում նշեց Ոստիկանության գնդապետ Սայաթ Շիրինյանը:
«Մինչ այդ ասում էինք՝ մարդիկ շոկի մեջ են, բայց արդեն ժամանական է սթափվելու, որովհետեւ այս իշխանությունները ոչինչ չեն կարող անել: Այս մարդիկ մեծ հեշտությամբ մեր երկիրն են զիջում, սառնասրտորեն շարունակում են իրենց ստախոսությունը, թե Հայաստանը ոչ մի մետր հող չի զիջում:
Մենք 2,5 տարի բարձրաձայնում էինք, որ այս ստահակը չի կարող ոչինչ անել: Վերչջին հարցազրույցում նա ասաց, որ բանավոր պայմանավորվածության հիման վրա զիջում է Հայաստանի հողերը: Սրանից ազգադավ իշխանություն ես չեմ պատկերացնում: Օր առաջ սրանց վռնդել է պետք»,-ասաց Շիրինյանը:
Իշխանությունների պնդմանը, թե ընդդիմությունը հանրային աջակցություն չունի, Շիրինյանն ասաց. «Նիկոլը հասարակությունից կտրվել է, նա չի կարողանում հասկանալ, որ 5 հազարից ավելի զոհ ունենք: Ինչու չեն բարձրաձայնում ոչ զոհերի, ոչ անհայտ կորածների մասին: Ասում են՝ դա պետք է լուծի Կարմիր խպաչը, Պուտինը, այդ դեպքում դու ո՞վ ես: Վաղը մյուս օրը սոցիալական, հումանիտար բունտ է հասունանալու, սրա դեմը իշխանությունները չեն կարող դիմակայել: Նիկոլը պետք է հասկանա, որ որքան շուտ գնա, այքան լավ կլինի եւ իր, եւ իր շրջապատի ու թիմակիցների համար»:
