ԱՄՆ Կոնգրեսի Սենատը հաղթահարել է նախագահ Դոնալդ Թրամփի վետոն, որն ավելի վաղ արգելափակել էր 2021 ֆինանսական տարվա (մեկնարկել է 2020 թվականի հոկտեմբերի 1-ին) պաշտպանական բյուջեի 740 մլրդ դոլարի չափով նախագիծը, հաղորդում է ՏԱՍՍ-ը:
Հանրապետականների կողմից վերահսկվող Սենատի 81 անդամ սատարել է նախաձեռնությունը, դեմ է արտահայտվել 13 սենատոր:
Կոնգրեսի ներկայացուցիչների պալատը հաղթահարել է երկրի ղեկավարի վետոն: Այդկերպ ուժի մեջ են մտնում պաշտպանական բյուջեի դրույթները, որոնք ներառում են պատժամիջոցներ «Հյուսիսային հոսք-2» եւ «Թուրքական հոսք» գազատարների նկատմամբ: Կոնգրեսի երկու պալատները Թրամփի նախագահության օրոք առաջին անգամ կարողացել են հաղթահարել նրա վետոն: Հանրապետական Թրամփը երկրի ղեկավարի պաշտոնում արգելափակել է ինն օրինագիծ: Քվեարկությունն անցկացվել է հունվարի 3-ից երկու օր առաջ, երբ մեկնարկելու է նոր գումարման Կոնգրեսի աշխատանքը:
Սենատի կայքում նշվում է, որ երկրի պատմության մեջ Կոնգրեսը կարողացել է հաղթահարել Ամերիկայի նախագահների շուրջ 10 տոկոս վետոները: Դրա համար անհրաժեշտ է օրենսդիր մարմնի երրորդ՝ ընդհանուր պալատի աջակցությունը:
Ավելի վաղ նախագահն անվանել էր իր վետոյի հաղթահարումը «վախկոտության խայտառակ ակտ»:
