Լեհաստանի ներքին անվտանգության գործակալությունն ավարտել է հետաքննությունը եւ դատարան ուղարկել մեղադրական եզրակացություն երկու կասկածյալների վերաբերյալ, որոնք հանրապետությունում ահաբեկչություն են նախապատրաստել, հաղորդում է ՏԱՍՍ-ը:
Նրա խոսքով՝ բերման ենթարկվածները պատրաստվում էին պայթուցիկ նյութեր օգտագործել: «Համաձայն հետաքննության արդյունքների՝ հարձակումը պետք է կատարվեր իսլամական համայնքի հստակ կրոնական կառույցի ուղղությամբ: Հանցագործները նաեւ պատրաստվում էին տարածել թունավոր նյութեր որոշ մարդկանց շրջանում: Գաղափարն այն էր, որ կանխարգելվի Լեհաստանի «իսլամացումը»,-նշված է տարածված հաղորդագրության մեջ:
«Կասկածյալները ցուցադրել են արմատական հայացքներ, նրանցից մեկը հրապարակավ մատնանշել է կրոնական խմբերը ոչնչացնելու անհրաժեշտությունը, կոչ արել բռնության, հանցագործությունների կատարման, ազգային, էթնիկ, ռասայական եւ կրոնական տարբերությունների, ատելության հողի վրա: Մյուս ահաբեկիչը հետազոտել է եւ գրի առել արդյունքները, որում արտահայտել է իսլամաֆոնիա եւ կոչեր հետապնդել արտերկրից ժամանողներին՝ սկսած խուլիգանական գործողություններից մինչեւ հրազենի եւ պայթուցիկ նյութերի օգտագործում»,-տեղեկացրել են լեհական հատուկ ծառայությունները:
Հաղորդվում է նաեւ, որ հետաքննության ժամանակ հայտնաբերվել են պայթուցիկ նյութեր, չորս միավոր հրազեն, այդ թվում՝ ատրճանակ եւ ռազմամթերք, եւ այլ առարկաներ: