«Եռաբլուր» զինվորական պանթեոնում՝ «Թովմասյան» բարեգործական հիմնադրամի նախաձեռնությամբ տեղի է ունենում մոմավառություն՝ ի հիշատակ Ադրբեջանի կողմից Արցախի նկատմամբ սանձազերծված պատերազմի հետեւանքով առաջնագծում զոհված մեր հերոսների։
Նախատեսվում է, որ Եռաբլուրում տեղի կունենա հոգեհանգստյան արարողություն եւ կհնչեն շարականներ։ Նախօրեին «Թովմասյան» հիմնադրամի նախագահ Արտակ Թովմասյանը իր ֆեյսբուքյան էջում գրել էր․
«Բոլորս հավաքվենք եւ մեր հարգանքի տուրքը մատուցենք մեր այն հերոսներին, ովքեր իրենց կյանքը չխնայեցին հանուն հայրենիքի»։
