Եվրախորհրդարանի պատգամավորները ուրախ կլինեն ԱՄՆ ընտրված նախագահ Ջոզեֆ Բայդենին տեսնել Ստրասբուրգում կայանալիք ԵԽ լիագումար նստաշրջանին: Այս մասին չորեքշաբթի հայտարարել է Եվրոպական ժողովրդական կուսակցության նախագահ Մանֆրեդ Վեբերը, փոխանցում է «ՌԻԱ Նովոստի»-ն:
«Լավ կլիներ, եթե Ջոզեֆ Բայդենը Եվրախորհրդարանում ելույթ ունենար, հնարավոր է՝ Ստրասբուրգում կայանալիք լիագումար նիստում»,- ասել է նա:
Ավելի վաղ Բայդենին Բրյուսել էին հրավիրել Եվրոպական խորհրդի եւ Եվրահանձնաժողովի ղեկավարները, ինչպես նաեւ ՆԱՏՕ-ի գլխավոր քարտուղարը:
