Գյումրու կայազորի հրամանատարությունը Հայաստանի Հանրապետության իրավապահ մարմինների հետ անցկացնում է հետաքննություն ճանապարհա-տրանսպորտային պատահարի փաստի առնչությամբ Գյումրի քաղաքում, որտեղ ավտովթարի հետեւանքով զոհվել է ռուսական ռազմաբազայի պայմանագրային զինծառայող: Այդ մասին հաղորդում է Հարավային ռազմական օկրուգի մամուլի ծառայությունը:
«Դեպքի վայրից զեկույցի համաձայն 2021 թվականի հունվարի 23-ին, Մոսկվայի ժամանակով՝ 5.30-ին, արձակուրդի մեջ գտնվող պայմանագրային զինծառայողն անձնական ավտոմեքենայով բախվել է անթույլատրելի տեղում կայանված բեռնատարի կցորդին»,-նշված է հաղորդագրության մեջ:
ՃՏՊ-ի հետեւանքով ավտոմեքենայում հրդեհ է բռնկվել: Ստացած վնասվածքների հետեւանքով զինծառայողը տեղում մահացել է:
