ԱՄՆ նախկին նախագահ Դոնալդ Թրամփի աջակիցների կողմից Կապիտոլիումի գրոհից հետո ավելի քան 30 հազար ամերիկացիներ դուրս են եկել Հանրապետական կուսակցությունից, հաղորդում է Hill-ը՝ հղում անելով վիճակագրությանը:
Նշվում է, որ դրանք միայն մի քանի նահանգների (Փենսիլվանիա, Հյուսիսային Կառոլինա, Կոլորադո, Մերիլենդ, Ֆլորիդա եւ այլն) տվյալներն են, որոնք տեղեկացնում են ընտրողների գրանցման եւ կուսակցական պատկանելիության փոփոխման մասին: Այդպիսով, նրանց թիվը, ովքեր դուրս են եկել Հանրապետական կուսակցությունից, կարող է ավելի շատ լինել:
Հիշեցնենք, որ հունվարի 6-ին Թրամփի աջակիցները գրոհել էին ԱՄՆ Կոնգրեսի շենքը՝ ընդհատելով նիստը, որի ժամանակ պետք է հաստատվեին ընտրությունների արդյունքները: Դրանից հետո Կոնգրեսը պաշտոնապես հաստատել էր Բայդենի հաղթանակը, իսկ Թրամփը դատապարտել էր Կապիտոլիումում բռնությունն ու խոստացել երաշխավորել իշխանության խաղաղ փոխանցումը:
