Ամերիկացի զինվորականները Լիբիայում «Պանցիր-C1» ռուսական արտադրության հակաօդային պաշտպանության համալիր են առեւանգել գաղտնի օպերացիայի ընթացքում եւ այն տեղափոխել Գերմանիայում գտնվող Ռամշթայն բազա, հաղորդում է Ինտերֆաքսը՝ The Times-ի վրա հղումով:
Պարբերականի տվյալներով՝ օպերացիան անցկացվել է անցած տարի հունիսին: Ամերիկացի զինվորականների հատուկ ստորաբաժանումը C-17 Globemaster ինքնաթիռով ժամանել է Տրիպոլիից դեպի արեւմուտք գտնվող Զուվարի օդանավակայան համալիրի բեռնման համար:
Պարբերականը նշում է, որ համալիրն առեւանգվել է Լիբիայի ազգային բանակի մարշալ Խալիֆա Խաֆթարի զորքերի կողմից Տրիպոլիի զավթման փորձի ժամանակ, որտեղ գտնվում է ՄԱԿ-ի կողմից ճանաչված կառավարությունը, որին աջակցում է Թուրքիան:
Հակահարձակման ժամանակ կառավարական զորքերը ժամանել են ավիաբազա, որը պահել են Խաֆթարի զորքերը, որտեղ էլ հայտնաբերվել է «Պանցիր-C1»-ը: Ապա այն ուղարկել են բազա, որտեղ տեղակայված են թուրք զինվորականներ, ավելի ուշ՝ օդանավակայան, որտեղից էլ՝ Գերմանիա:
«Պանցիր-C» զենիթահրթիռային համալիրը նախատեսված է ցանկացած եղանակային եւ ռադիոէլեկտրոնային վիճակում գիշեր եւ ցերեկ քաղաքացիական եւ ռազմական օբյեկտների՝ օդային հարձակումից պաշտպանության համար: Համալիրը կարող է պաշտպանել օբյեկտը ցամաքային եւ ստորջրյա սպառնալիքներից:
Պաշտոնապես հաղորդվել է, որ «Պանցիր»-ները արտահանվում են, մասնավորապես, ԱՄԷ:
2020 թվականի հունիսին ՌԴ ԱԳ փոխնախարար Միխայիլ Բոգդանովը եգիպտական «Ալ Ահրամ» թերթի հետ զրույցում հայտարարել էր, որ Լիբիայում աշխատող ռազմատեխնիկան սխալմամբ ներկայացվում է որպես վերջին ռուսական մատակարարումներ: