News
Լրահոս
News
Հինգշաբթի
Հունվար 20
USD
481.65
EUR
546.14
RUB
6.3
Տեսնել լրահոսը

Թուրքիան եւ Ադրբեջանը ճնշում կգործադրեն Վրաստանի վրա, եթե բանակցություններ սկսվեն Աբխազիայից Հայաստան երկաթուղային հաղորդակցության ապաշրջափակման համար: Այս մասին փետրվարի 11-ին -NEWS.am-ին տված հարցազրույցում հայտարարեց ՀՀ ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը:

Նրա խոսքով՝ դրա համար ինչպես Անկարան, այնպես էլ Բաքուն լուրջ ռեսուրսներ ունեն, եւ, անշուշտ, կօգտագործեն դրանք:

«Թուրքիան լուրջ ազդեցություն ունի Վրաստանի տնտեսության վրա, իսկ Ադրբեջանը կարող է ճնշում գործադրել՝ օգտագործելով Վրաստանի հետ սահմանակից բնակավայրերում ապրող ադրբեջանցիների գործոնը»,- ընդգծեց փորձագետը՝ հիշեցնելով, որ Աբխազիայով Ռուսաստան տանող երկաթգիծը շատ կարեւոր նշանակություն ունի Հայաստանի համար:

Նա նկատեց, որ Թուրքիան կապ ունի Ադրբեջանի հետ Վրաստանի միջոցով, եւ միեւնույն ժամանակ լուրջ հետաքրքրություն է ցուցաբերում նաեւ Մեղրիի միջոցով Ադրբեջանի հետ կապ հաստատելու համար:

«Սա խոսում է այն մասին, որ Անկարայի համար Հայաստանի տարածքով երկաթուղու բացումը կապված է ոչ այնքան տնտեսական, որքան քաղաքական նպատակների հետ` պանթուրքիզմի գաղափարի իրականացման առումով: Սյունիքի մարզով ճանապարհը նաեւ լուրջ ռազմական նշանակություն ունի Թուրքիայի համար՝ Ադրբեջանի տարածք ռազմական բեռներ եւ անձնակազմ տեղափոխելու տեսանկյունից»,- ընդգծեց Սաֆրաստյանը:

Չնայած այն բանին, որ Հայաստանը գտնվում է պանթուրքիստական ծրագիր իրականացնող երկու պետությունների ճնշման տակ, նա, այնուամենայնիվ, պետք է ամեն կերպ պայքարի այդ ձգտումների դեմ:

«Թեհրանը նույնպես մտահոգված է իրադարձությունների այսպիսի զարգացմամբ: Միեւնույն ժամանակ Ադրբեջանն ու Թուրքիան ամեն կերպ խոչընդոտելու են Իրանի եւ Հայաստանի միջեւ երկաթուղային կապի հնարավոր հաստատմանը»,- եզրափակեց թուրքագետը:

Հիշեցնենք, որ Աբխազիայի խորհրդարանը դիմել էր Ռուսաստանի Պետդումային՝ հայտարարելով, որ պատրաստ է հավասար պայմաններով մասնակցել Աբխազիայի միջոցով Ռուսաստանի եւ Հայաստանի միջեւ երկաթուղային հաղորդակցության բացման նախագծին:

Հաղորդակցությունների ապաշրջափակման արդյունքում, որը նախատեսված է 2020 թվականի նոյեմբերի 9-ի հայտարարությամբ, Թուրքիան եւ Ադրբեջանը կարող են ցամաքային կապ ստանալ Հայաստանի Սյունիքի մարզով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նախարար. Հայաստանի եւ Ադրբեջանի ԱԳ նախարարների հանդիպում առայժմ նախատեսված չէ
Հիշեցնենք, որ Հայաստանի եւ Ադրբեջանի արտգործնախարարների վերջին հանդիպումը տեղի է ունեցել նոյեմբերի 11-ին, Փարիզում․․․
44-օրյա պատերազմում զոհված անձանց թիվը 3809 է, անհայտ է 199 զինծառայողի և 21 քաղաքացիական անձի գտնվելու վայրը. ՔԿ
Մինչև օրս Ադրբեջանի Հանրապետության կողմից Հայաստանի Հանրապետություն է...
Հայաստանի ԱԳՆ. Բաքուն առաջին անգամը չէ, որ ոչ կառուցողական հայտարարություններ է անում
Միեւնույն ժամանակ, նախարարն ընդգծեց, որ հրապարակային հայտարարությունները ոչ միշտ են ամբողջությամբ ․․․
Չտրվել արդբեջանական մանիպուլյացներին և Արցախի մասին անկողմակալ տեղեկություններ ունենալու համար այցելել Արցախ. ԱՀ ՄԻՊ
Խաղաղապահների կողմից Արցախում խաղաղ կյանքի վերականգնման ուղղությամբ ներդրվող ջանքերը դժգոհություն են հարուցում…
ԱԳՆ. Հայաստանը սահմանին իրավիճակի դեէսկալացման վերաբերյալ առաջարկների փաթեթ է փոխանցել Ադրբեջանին
«Մանրամասները, իհարկե, չեմ կարող բացահայտել...
Օրինագիծ․ պատերազմում զոհված զինվորների եղբայրներն ու քույրերը փոխհատուցում կստանան մահացած ծնողների փոխարեն
Նա նշեց, որ փոխհատուցման տեսքով գումար կստանան նրանց եղբայրներն ու քույրերը․․․
Ամենաշատ