Թուրքական ապրանքների ներմուծումից հարկային եկամուտները 2020 թվականին 25 միլիարդ դրամ (ավելի քան 50 միլիոն դոլար) են կազմել: Այս մասին փետրվարի 19-ին լրագրողների հետ հանդիպման ժամանակ ասաց Հայաստանի պետական եկամուտների կոմիտեի մաքսային վիճակագրության եւ եկամուտների հաշվառման վարչության պետ Մնացական Շարաֆյանը: Նրա խոսքով` դեռ վաղ է ասել, որ ապագայում Թուրքիայից ապրանքների ներմուծման արգելքը հարկային եկամուտների կրճատման կհանգեցնի, քանի որ ներկրողները նաեւ այլ այլ շուկաներ են թիրախավորում, այդ թվում` չինականը:
Նա հավելեց, որ 2019-ի վերջին ներմուծված թուրքական ապրանքները կարող են մաքսային ձեւակերպում անցնել 4 ամսվա ընթացքում: «Թուրքիայից Հայաստան ներկրվել է հագուստ, ցիտրուսային մրգեր, կենցաղային քիմիա եւ այլն»,- ասաց Շարաֆյանը:
Ըստ ՊԵԿ մաքսային հսկողության վարչության պետ Արտյոմ Կարապետյանի` արգելքից հետո արդեն թուրքական ապրանքների ներմուծման փորձեր են եղել: «Այդ փորձերը կասեցվել են: Գերատեսչությունը բավարար հնարավորություններ ունի` նման երեւույթների դեմ արդյունավետ պայքարի համար»,- շեշտեց նա: