Փետրվարի 27-ին, ժամը 04.30-ի սահմաններում, օպերատիվ կառավարման կենտրոնից ոստիկանության Կենտրոնական բաժին հաղորդում էր ստացվել, որ րոպեներ առաջ Գրիգոր Լուսավորչի փողոցի շենքերից մեկի բակում գողացել են «Լեքսուս» մակնիշի մեքենայի կողային հայելիները:
Օպերատիվ խումբը մեկնեց նշված հասցե: Գողությունը կատարած անձանց և գողոնը հայտնաբերելու ուղղությամբ անհետաձգելի միջոցառումներ ձեռնարկվեցին: Հաղորդումից մեկ ժամ անց քրեական հետախույզները տեղեկություններ ստացան, որ գողությունը հնարավոր է կատարած լինեն 25 և 33 տարեկան երկու տղամարդ, որոնցից մեկը՝ Արմավիրի մարզի Պտղունք գյուղի, մյուսը Երևանի բնակիչ է:
Ստացված տվյալներն իրացնելու արդյունքում նույն օրը կասկածյալները Երևանի Արգիշտիի փողոցից բերման ենթարկվեցին ոստիկանության Կենտրոնական բաժին:
Նրանք տվել են խոստովանական բացատրություն:
Գողոնը հայտնաբերվել է:
Փաստի առթիվ նախապատրաստվում են նյութեր:
