Google Alphabet Inc-ը վեբ էջեր հաճախելիությանը հետեւելու համար չի ստեղծի եւ չի օգտագործի այլընտրանքային գործիքներ, երբ մյուս տարվանից իր Chrome բրաուզերում սկսի աստիճանաբար հրաժարվել գոյություն ունեցող տեխնոլոգիաներից:
Google-ն անցյալ տարվա սկզբին էր առաջին անգամ հայտարարել, որ կազատվի cookie ֆայլերից, որոնք տասնամյակներ շարունակ թույլ են տվել տեղադրել առցանց գովազդ, որպեսզի համապատասխանի Եվրոպայում եւ ԱՄՆ-ում տվյալների գաղտնիության մեծացող ստանդարտներին:
Գաղտնիության պաշտպանության ակտիվիստները երկար տարիներ քննադատել են տեխնոլոգիական ընկերություններին, այդ թվում Google-ին՝ վեբ կայքերը դիտելու մասին գրառումներ հավաքելու համար cookie ֆայլեր օգտագործելու պատճառով, ինչը նրանց թույլ է տալիս մշակել պրոֆիլները՝ օգտատերերի հետաքրքրությունները հաշվի առնելով, որ ցույց տան անհատականացված գովազդներ:
Google-ը հիմա խոստանում է, որ այլ տեխնոլոգիաներ չի օգտագործելու cookie ֆայլերը փոխարինելու կամ Chrome-ի մեջ գործառույթներ ստեղծելու համար, որպեսզի այդ տվյալներին իր համար հասանելիություն ապահովի, չնայած շարունակում է մեթոդներ թեստավորել, որ ընկերությունները կարողանան գովազդ ուղարել ընդհանուր հետաքրքրություններով անանուն օգտատերերի մեծ խմբերի:
«Որպեսզի համացանցը շարունակի բաց ու հասանելի մնալ բոլորի համար, բոլորս պետք է ավելին անենք գաղտնիության պաշտպանության համար, իսկ դա նշանակում է հրաժարում ոչ միայն cookie ֆայլերից, այլեւ ցանկացած տեխնոլոգիայից, որն օգտագործվում է վեբ էջերը դիտելիս առանձին օգտատերերի հետեւելու համար»,- նշվում է Google-ի բլոգում:
Գովազդային տեխնոլոգիաներով զբաղվող մրցակից ընկերությունները գործիքներ են ստեղծում համացանցում, ներառյալ Criteo SA-ում եւ Trade Desk-ում օգտատերերի անանուն նույնականացման համար:
Երկու ընկերությունների բաժնետոմսերը անկում էին գրանցել 2020 թվականի հունվարին այն բանից անմիջապես հետո, երբ Google-ն առաջին անգամ հայտարարել էր cookie ֆայլերից հրաժարվելու մասին, բայց վերջին տարվա ընթացքում կայուն աճել են:
