Air France ավիաընկերության ինքնաթիռը շաբաթ օրը Փարիզ - Նյու Դելի չվերթի ժամանակ արտակարգ վայրէջք է կատարել Բուլղարիայի մայրաքաղաքի օդանավակայանում՝ սրահում գտնվող կռվարարի պատճառով, հայտնում է ՏԱՍՍ-ը։
Ինչպես հաղորդել է Բուլղարիայի հեռագրային գործակալությունը, հղում անելով դատախազության աղբյուրներին, Հնդկաստանի քաղաքացին կոպիտ է վարվել ուղեւորների հետ, հարձակվել է անձնակազմի անդամների վրա, հրել է օդաչուների խցիկի դուռը, որից հետո հրամանատարը որոշել է շտապ վայրէջք կատարել Սոֆիայի օդանավակայանում: Կռվարարը 24-ով կալանավորվել է, նրան տրամադրվել է ծառայողական փաստաբան եւ թարգմանիչ: Դեպքի մասին զեկուցվել է Հնդկաստանի դեսպանատուն:
Ակնկալվում է, որ միջադեպի մանրամասները հայտնի կդառնան առաջիկա մի քանի ժամվա ընթացքում:
