Միջերկրական ծովում իրանական բեռնատար նավը հարձակման է ենթարկվել ահաբեկիչների կողմից: Այս մասին հայտարարել է «ԻԻՀ ցամաքային գծերի» ներկայացուցիչը, հաղորդում է Tasnim-ը:
Նշվում է, որ նավի վրա պայթուցիկ սարք է գործի դրվել: Պայթյունից հետո նավի վրա հրդեհ է բռնկվել, բայց անձնակազմին հաջողվել է արագ մարել այն: Ոչ ոք չի տուժել, բայց նավի երեսվածքը վնասվել է:
Նավն Իրանից Եվրոպա էր ընթանում: Ակնկալվում է, որ անհրաժեշտ վերանորոգումից հետո նավը կշարունակի նավարկել դեպի նպատակակետ: IRISL-ի ներկայացուցիչը միջադեպը որակել է որպես ահաբեկչություն եւ ծովահենություն: Նա ավելացրել է, որ Իրանի իշխանությունները կդիմեն միջազգային կազմակերպություններին՝ մեղավորներին հայտնաբերելու համար: