Իսլամիստների ՀԱՄԱՍ պաղեստինյան շարժումը, որը մի շարք արեւմտյան երկրներում ահաբեկչական կազմակերպություն է ճանաչվել, առաջին անգամ ղեկավարության մեջ կանանց է ընտրել: Այս մասին նշված է շարժման պաշտոնական կայքում:
ՀԱՄԱՍ-ը հրապարակել է Գազայի հատվածում քաղբյուրոյի նոր անդամների ցուցակը, որը կազմված է 20 հոգուց: Նրանց թվում են Ջամիլա Ալ Շանթին եւ Ֆաթիմա Շուրաբը: Ալ Շանթին դարձել է առաջին կինը, ում ընտրել են քաղբյուրո: Շուրաբին նշանակել են «կանանց հանձնաժողովի» ղեկավարի պաշտոնում:
ՀԱՄԱՍ-ը Գազայի հատվածում իշխող իսլամական շարժում է: ԱՄՆ-ն, Իսրայելը, Կանադան, Եվրամիության երկրները, Հորդանանը եւ Եգիպտոսը կազմակերպությունը ահաբեկչական են համարում: Ռուսաստանը ՀԱՄԱՍ-ի անդամներին ահաբեկիչներ չի համարում, բայց դատապարտում է գրոհայինների որոշ գործողությունները:
