Իրանը կշարունակի ամրապնդել իր հրթիռային ներուժը՝ իր պաշտպանական ծրագրերին համապատասխան: Այս մասին հայտարարել է Իրանի պաշտպանության նախարար, բրիգադի գեներալ Ամիր Խաթամին՝ նշելով, որ Իրանն ընթացիկ տարում զգալի առաջընթացի է հասել պաշտպանական արդյունաբերության ոլորտում, չնայած բոլոր սահմանափակումներին, փոխանցում է Mehr-ը:
«ԱՄՆ կառավարությունը՝ Դոնալդ Թրամփի գլխավորությամբ այս տարի հնարավոր ամեն ինչ արել է Իսլամական հանրապետության վրա առավելագույն ճնշում գործադրելու համար: Սակայն, ի վերջո, հենց Թրամփն իշխանությունից հեռացվեց»,- նշել է նա:
Խոսելով կրոնական եւ միջազգային զարգացումների մասին՝ Խաթամին նշել է, որ «շատ դավադրություններ, որոնք տարածաշրջանում վտանգ եւ քաոս են սերմանում, իրականում ուղղված են Իրանի դեմ, բայց դրանք վերջնարդյունքում անհաջողության կմատնվեն»:
Իրանցի նախարարի խոսքով՝ Իրանը շարունակելու է ամբողջ ուժով մեծացնել իր պաշտպանական եւ հրթիռային ներուժը:
