Ֆինլանդիայի անվտանգության եւ հետախուզական ծառայությունը հայտարարել է, որ ծայրահեղ աջակողմյան ահաբեկչության վտանգը հյուսիսային երկրում մեծացել է, հայտնում է AP-ն:
Ֆինլանդիայի անվտանգության եւ հետախուզական ծառայությունը (Supo) բացահայտել է ուլտրաաջերի, որոնք 5,5 միլիոն բնակչություն ունեցող երկրում ահաբեկչություն իրականացնելու հնարավորություն եւ դրդապատճառ ունեն: Հատուկ ծառայությունը նաեւ հայտարարել է, որ Ֆինլանդիայում առկա են նման ահաբեկչական սպառնալիքների «կոնկրետ նախապատրաստությունների որոշ նշաններ», սակայն մանրամասներ չի ներկայացրել:
Նշվում է, որ, ընդհանուր առմամբ, Ֆինլանդիայում ահաբեկչության ամենամեծ սպառնալիքը ներկայումս գալիս է անհատներից կամ փոքր խմբավորումներից, որոնք սատարում են կամ ծայրահեղ աջ կամ իսլամական ֆունդամենտալիստական գաղափարախոսությանը: Ներկայումս Supo-ն վերահսկում է Ֆինլանդիայում շուրջ 390 մարդու գործունեությունը: Նրանց մեծ մասը կապված է իսլամական արմատական գաղափարախոսության հետ, իսկ ծայրահեղ աջերի թիվը հետախուզական ծառայությունը չի նշել:
