Երեք մարդ է զոհվել, եւս չորսը վիրավորվել Հյուսիսային Կարոլինա նահանգի Վիլմինգթոն քաղաքի տներից մեկում հրաձգության հետեւանքով, հաղորդում է NBC News-ը:
Հրաձգությունը տեղի է ունեցել շաբաթ օրվա կեսգիշերից հետո, իր թվիթներում հաղորդել է Վիլմինգթոնի ոստիկանությունը: Երբ սպաները ժամանել են, նրանք գտել են յոթ տուժածի: Նրանցից երեքը մահացած են եղել:
«Մենք դեռեւս աշխատում ենք, որպեսզի ընտանիքներին տեղեկացնենք ողբերգական դեպքի մասին, ուստի այժմ չենք կարող զոհերի անուններն ասել»,- հայտնել են ոստիկանությունից:
