Համացանցում տարածվել է տեսանյութ՝ ինչպես են ՊՆ պաշտոնյաները ուղղաթիով դուրս բերվում Պն շենքի տարածքից։
Հիշեցնենք, որ նախօրեից անհետ կորածների հարազատները փակ են պահում ՊՆ շենքի մուքտը։ Նրանք պահանջում էին հանդիպում պաշտպանության նախարար Վաղարշակ Հարությունյանի հետ։
Երեկ երեկոյան նրանց միացան նաև գերիների հարազատները, որոնք տեղեկություն էին ստացել, որ իրենց որդիները վերադառնալու են ռուսական խաղաղապահ զորքի հրամանատար Ռուստամ Մուրադովին Բաքվից Երևան տեղափոխող օդանավով, սակայն ավելի ուշ պարզվել էր, որ օդանավով Երևան է ժամանել միայն Մուրադովը։
Նշենք, որ վարչապետ Նիկոլ Փաշինյանի մամուլի խոսնակ Մանե Գևորգյանը լրատվամիջոցների հետ զրույցում հաստատել էր տեղեկությունը, որ նախատեսվում է գերիների վերադարձ, մինչդեռ Ռուստամ Մուրադովը «Հրապարակ»-ի հետ զրույցում հերքել է այդ տեղեկությունը՝ նշելով, որ գերիների վերադարձ պլանավորված չի եղել, իսկ իր այցը պլանավորված էր։
