Հայաստանի եւ Վրաստանի նախագահներ Արմեն Սարգսյանն ու Սալոմե Զուրաբիշվիլին փոխանակվել են թվիթներով Հայաստանի նախագահի՝ Երեւան վերադարձից հետո:
«Հայաստանի նախագահին մաղթում եմ բարի վերադարձ: Մեր երկու ժողովուրդն ունի երկար պատմություն, որը մտերմացնում է մեզ: Մեր խնդիրն է հարաբերություններ ձեւավորել վրաց եւ հայ ժողովուրդների ապագա սերունդների միջեւ»,-գրել է Զուրաբիշվիլին:
«Ես բարեհաջող վերադարձել եմ տուն՝ ոգեշնչված մտքով եւ սրտով: Շնորհակալ եմ շատ բարեհամբույր եւ կառուցողական այցի համար: Իրականում մեզ պետք է միավորել մեր ջանքերն ու աշխատել էլ ավելի համառորեն, որպեսզի արդյունավետորեն կյանքի կոչենք մեր ժողովուրդների երազանքները»,-պատասխանել է Արմեն Սարգսյանը: