Danske բանկի կառավարման խորհուրդը հայտարարել է գործադիր տնօրեն Քրիս Ֆոգելցանգի՝ զբաղեցրած պաշտոնը թողնելու մասին: Բանկիրը կասկածվում է ABN AMRO բանկում աշխատելիս փողերի լվացմանը մասնակցության մեջ, ասվում է մամուլի հաղորդագրության մեջ, փոխանցում է ՏԱՍՍ-ը:
Մամուլի համար իր հայտարարության մեջ Քրիս Ֆոգելցանգը զարմանք է հայտնել իր դեմ առաջադրված մեղադրանքի կապակցությամբ, սակայն, հաշվի առնելով վերջերս Danske Bank-ի հետ կապված փողերի լվացման հետաքննությունը, նա ինքանակապ թողնում է պաշտոնը:
Ֆոգելցանգը Danske Bank-ի ղեկավար էր նշանակվել մոտ 2 տարի առաջ: Նրան հրավիրել էին բանկը փողերի լվացման հետ կապված ամենամեծ սկանդալից դուրս բերելու համար, որն իրականացվել էր Էստոնիայում այժմ արդեն փակ մասնաճյուղի միջոցով:
2018-ի հուլիսի 1-ին Էստոնիայի դատախազությունը հայտարարել էր երկրում Danske bank-ի մասնաճյուղի աշխատակիցների ներգրավմամբ հնարավոր փողերի լվացման հանգամանքների վերաբերյալ քրեական հետաքննություն սկսելու մասին: Ըստ դանիական ԶԼՄ-ների՝ մասնաճյուղի միջոցով 2007-2015 թվականներին խոշոր գումարներ են լվացվել, այդ թվում, ինչպես պնդվում է, Ռուսաստանից եւ ԱՊՀ երկրներից: Այս միջոցների ընդհանուր գումարը առնվազն 8 միլիարդ դոլար է գանահատվում:
