2020 թվականին ՀՀ կառավարությունն ավելի քան 200 միլիարդ դրամի տարբեր տեսակի ծրագրեր է իրականացրել: Այս մասին ապրիլի 20-ին Հայաստանի Ազգային ժողովում ավանդական ճեպազրույցի ժամանակ ասաց իշխող «Իմ քայլը» դաշինքի պատգամավոր Գեւորգ Պապոյանը:
Նա շեշտեց, որ նախորդ տարի տնտեսության անկումն ընդամենը 7.6 տոկոս էր՝ չնայած որոշ ամիսների, հատկապես՝ դեկտեմբերին, եւս դրական միտում կար: Բացի այդ, ինչպես նշեց պատգամավորը, Հայաստանի տնտեսության որոշ ճյուղերում բավականին լավ ցուցանիշներ է գրանցել: «Երկրում հագուստի արտադրությունն աճել է 4.3 տոկոսով, քիմիկատների եւ քիմիական արտադրանքինը՝ 23.6 տոկոսով, պատրաստի մետաղական արտադրանքինը՝ 20.6 տոկոսով»,- ասաց Պապոյանը:
Իշխող դաշինքի պատգամավորի խոսքով՝ որոշ ոլորտներում նաեւ արտահանման աճ է գրանցվել: Այդպես, կենդանական ծագման արտադրանքի արտահանումն աճել է ավելի քան 50 տոկոսով, բուսական ծագման արտադրանքի արտահանումը՝ 27 տոկոսով, հումքինը՝ ավելի քան 11 տոկոսով եւ կոշիկինը՝ ավելի քան 15 տոկոսով: