Ընթացիկ տարվա առաջին եռամսյակի արդյունքները 2020 թվականի նույն ժամանակահատվածի համեմատ բավական համեստ են: Այս մասին այսօր ԱԺ ֆինանսավարկային եւ բյուջետային հարցերի մշտական հանձնաժողովի նիստում հայտարարեց ՊԵԿ նախագահ Էդուարդ Հովհաննիսյանը:
Նրա խոսքով՝ 2021 թվականի առաջին եռամսյակում ընդհանուր հարկային մուտքերը կրճատվել են 16,1 մլրդ դրամով, որից 10 մլրդ դրամը բաժին է ընկնում շահութահարկին: «Տնտեսական գործունեության անկումը թողել է իր անխուսափելի հետքը եւ շարունակում է անդրադառնալ հարկային մուտքերի հավաքման գործընթացի վրա: Այնուամենայնիվ, մենք ձգտում ենք պահպանել հարկային դիսցիպլինայի բարձր մակարդակ»,-վստահեցրեց Հովհաննիսյանը: