Իշխող «Արդարություն եւ զարգացում» կուսակցության քաղաքական էթիկայի հանձնաժողովի նախագահ Քեմալետտին Այդինը խախտել է վիրավորանքների եւ հետապնդումների մասին Twitter-ի կանոնները, հայտնում է Ahval-ը՝ վկայակոչելով ընկերության ծանուցագիրը:
Twitter-ը ավարտել է Այդինի հաշվի հետաքննությունը՝ կապված այն թվիթի հետ, որը նա ուղղել է Թուրքիայի ներքին գործերի նախարար Սուլեյման Սոյլուին եւ որում խորհուրդ է տալիս ստրիխնինով թունավորել նախարարին կոռուպցիայի մեջ մեղադրող լրագրողին: Այդինը կից գծապատկերում Սոյլուին ներկայացնում է թույնի քիմիական բանաձեւը:
Այդինը Էրդողանի «Արդարություն եւ զարգացում» կուսակցության քաղաքական էթիկայի հանձնաժողովի ղեկավարն է: Նա բժշկության գիտությունների պրոֆեսոր է, բիոտեխնոլոգիայի եւ վարակիչ հիվանդությունների մասնագետ, ինչպես նաեւ ԱԶԿ-ից նախկին պատգամավոր:
Վերջին անգամ նա թվիթ հրապարակել է երկուշաբթի օրը՝ հայերին մեղադրելով անցյալ դարի սկզբին թուրքերին «կոտորելու» մեջ:
