News
Լրահոս
News
Երեքշաբթի
Հունիս 15
Տեսնել լրահոսը

Միջազգային էներգետիկ գործակալության (ՄԷԳ) փորձագետների գնահատմամբ՝ այս տասնամյակի վերջում էլեկտրաքարարի վաճառքները կհասնեն տարեկան 145 միլիոն էլեկտրաքարի, գրում է Հայթեք+ը:

Անցած տարվա արդյունքներով՝ էլեկտրաքարերի համաշխարհային մատակարարումները հասել են 3 միլիոնի՝ մեկ տարվա ընթացքում մեծանալով ավելի քան 40 տոկոսով, եւ դա համավարակով պայմանավորված ճգնաժամի եւ համաշխարհային ավտոմոբիլային շուկայում 16-տոկոսանոց կրճատման պայմաններում: Արդյունքում էլեկտրաքարեր արտադրողները վաճառել են ավելի քան 3 միլիոն էլեկտրաքար, իսկ սպառողները ծախսել են էկոլոգիապես մաքուր տրանսպորտի վրա ավելի քան 120 միլիարդ դոլար, ինչը գումարային տեսքով 50 տոկոսով գերազանցում է 2019 թվականի ցուցանիշը: Ընդ որում՝ պետական կարգավորիչ մարմինները հատկացրել են էլեկտրաքարերի զարգացման համար շուրջ 13 միլիարդ դոլար սուբսիդիաների տեսքով:

Այս տարվա առաջին եռամսյակում վաճառքներն աճել են 140 տոկոսով՝ հասնելով 1,1 միլիոն ավտոմեքենայի: Վերլուծաբանների կարծիքով՝ աճի հիմնական գործոնն է CO2 արտանետումների կրճատման համար խոստացված ստանդարտներն ու Չինաստանում, Եվրոպայում եւ ԱՄՆ-ում էլեկտրաքարերի կայուն մատակարարումները: ՄԷԳ էներգետիկայի ոլորտում վերլուծաբան Յակոպո Տատինիի խոսքով՝ ներկայիս ցուցանիշները կորի միայն սկիզբն են, որն աստիճանաբար կաճի 2030 թվականին:

Նրա խոսքով՝ ներկայիս տասնամյակի կեսերին մարտկոցների գների անկում կգրանցվի, իսկ էլեկտրամոբիլների արժեքը կհավասարվի բենզինով աշխատող մեքենաների գնին: Սակայն վտանգավոր փոփոխություններն իրագործելու համար ՄԷԳ-ում խորհուրդ են տալիս միավորել մասնավոր հատվածի եւ պետական կազմակերպությունների ջանքերը: Որպես հեռանկարային օրինակ՝ ՄԷԳ մասնագետները նշել են Մեծ Բրիտանիան, որն արդեն հաստատել է էլեկտրամոբիլների վաճառքի արգելքը 2030 թվականից հետո:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Tesla-ն կթարմացնի բիթքոինով վաճառքը, երբ այդ արժույթն էկոլոգիապես մաքուր դառնա
«Դա տեղի կունենա այն ժամանակ, երբ...
Ի՞նչ խնդիրների առջև են կանգնած Հայաստանից արտահանված ավտոմեքենաների սեփականատերերը
Մինչ մաքսատուրքերի վերանայումը Հայաստանում թեթև մարդատար ավտոմեքենաների մաքսազերծման համար սահմանին վճարվում էր 0 - 20% բնապահպանական վճար...
Մասկը պատմել է, թե ինչու են Tesla ավտոմեքենաները թանկանում
Նա այս մասին գրել է՝ պատասխանելով սոցցանցի օգտատերերից մեկին, ով վրդովմունք էր հայտնել թանկացման կապակցությամբ...
Toyota-ն եւ Honda-ն կանգնեցրել են ավտոմեքենաների արտադրությունը Մալայզիայում. Nikkei
Ավտոմեքենաների արտադրությունը կանգնեցվել է կորոնավիրուսային սահմանափակումների պատճառով...
Հրապարակվել են նոր Kia Sportage-ի լուսանկարները
Սրահում հայտնվել է թեթեւ ճկված պանել, որը միավորում է թվային սարքերը եւ մուլտիմեդիոն համակարգի էկրանը...
Lamborghini ընկերությունը կարող է վաճառվել 11,5 միլիարդ դոլարով
Quantum Group ներդրումային ընկերությունը պատրաստ է ձեռք բերել Lamborghini-ն 11,5 միլիարդ դոլարով, սակայն VW Group-ը չի կիսում ընկերության ցանկությունն ու դեռեւս չի պատրաստվում վաճառել իտալական մակնիշը․․․
Ամենաշատ