Երեւան քաղաքի ընդհանուր իրավասության դատարանում՝ նախագահությամբ դատավոր Վահագն Մելիքյանի, այսօր՝ մայիսի 11-ին, ԱԻՄ առաջնորդ Պարույր Հայրիկյանի դեմ սպանության փորձի գործով արդեն 8 տարի դատապարտված Վարդան Սեդրակյանին պայմանական վաղաժամկետ ազատ արձակվելու վերաբերյալ միջնորդության քննություն հետաձգվել է։

NEWS.am-ին Դատախազության հանրային կապերի բաժնից հայտնեցին, որ դատական նիստը նշանակվել է մայիսի 27-ին։

Նշենք, որ NEWS.am-ին Արդարադատության նախարարության Քրեակատարողական ծառայության հանրային կապերի բաժնի պետ Նոնա Նավիկյանը հայտնել էր , որ Սեդրակյանի պատժի կրման ռեժիմը փոխվել է բացի։

Հիշեցնենք, որ Հայաստանի նախագահի նախկին թեկնածու Պարույր Հայրիկյանի դեմ 2013 թվականի հունվարի 31-ին, ժամը 23:20-ին, մահափորձ էր կատարվել Երեւանի կենտրոնում` իր տան մոտ։ 2013 թվականի սեպտեմբերին նա դատապարտվել է 14 տարի ժամկետով ազատազրկման։

Հայրիկյանի վրա մահափորձ կատարելու կասկածանքով ձերբակալվել էին Խաչատուր Պողոսյանն ու Սամվել Հարությունյանը, որոնք ավելի վաղ դատապարտվել էին թմրանյութերի ապօրինի շրջանառության համար: Երկուսն էլ խոստովանական ցուցմունքներ էին տվել: Հայրիկյանի դեմ մահափորձի գործով 14 եւ 12 տարի ժամկետով ազատազրկման են դատապարտվել նաեւ Խաչատուր Պողոսյանը ու Սամվել Հարությունյանը։