Իսրայելի իր գործընկերոջ հետ հեռախոսազրույցում Պենտագոնի ղեկավար Լլոյդ Օսթինը հայտարարել է Իսրայելի եւ ՀԱՄԱՍ-ի միջեւ ռազմական գործողությունների դեէսկալացիայի անհրաժեշտության մասին:
«Օսթինը հաստատել է Միացյալ Նահանգների անսասան աջակցությունը Իսրայելի ինքնապաշտպանության իրավունքին եւ իսրայելցի քաղաքացիական բնակչության պաշտպանությանը, եւ ափսոսանք է հայտնել անմեղ իսրայելցիների ու պաղեստինցիների զոհվելու կապակցությամբ»,- ասել է Պենտագոնի ներկայացուցիչ Ջոն Քիրբին: Օսթինը աջակցություն է հայտնել հակամարտության դեէսկալացիային եւ հանգստությունը վերականգնելուն, հավելել է նա:
