Lufthansa ավիաընկերության ինքնաթիռում ծրագրված ահաբեկչության մասին հաղորդագրությունը չի հաստատվել, հայտնում է ԲԵԼՏԱ-ն՝ հղում անելով Մինսկի ազգային օդանավակայանի Telegram-ալիքին:
«Այս պահին ուղեւորների, ուղեբեռների եւ ինքնաթիռների զննում կատարելու համար անհրաժեշտ բոլոր միջոցառումներն ավարտված են: Ահաբեկչության մասին հաղորդագրությունը, որն ավելի վաղ ստացվել էր օդանավակայանի էլեկտրոնային փոստով, չի հաստատվել: Օդանավը պատրաստվում է թռիչքի, կատարվում է բեռնում, հայտարարվել է Lufthansa ավիաընկերության Մինսկ-Ֆրանկֆուրտ LH1487 չվերթի նստեցման մասին», - նշել է մամուլի ծառայությունը:
Մինսկի ազգային օդանավակայանը գործում է բնականոն ռեժիմով:
Ավելի վաղ նստեցումը դադարեցվել էր պլանավորված ահաբեկչության մասին հաղորդագրությունների պատճառով: