ԱՄՆ-ն Իրանից նավթ չի ներմուծել նախկին նախագահ Բիլ Քլինթոնի ժամանակներից: Այս մասին հայտարարել է Իրանի ԱԳՆ պաշտոնական ներկայացուցիչ Սայիդ Հաթիբզադեն, հաղորդում է ՏԱՍՍ-ը:
Անդրադառնալով Իրանից ԱՄՆ նավթի հնարավոր մատակարարումների մասին տեղեկությանը՝ նա հայտնել է, որ նման տեղեկություն չունի:
«Միգուցե խոսքը ինչ-որ այլ բանի մասին է, սակայն ես նման տեղեկություն չունեմ»,-ասել է նա:
Մայիսի 28-ին ԱՄՆ էներգետիկայի նախարարությունը նյութեր էր հրապարակել, որոնցում ասվում է, որ Իրանը մարտին 1991 թվականից առաջին անգամ ԱՄՆ նավթ է ներմուծել օրական 33 հազար բարել ծավալով: