Հայաստանի էկոնոմիկայի նախարարի պաշտոնակատար Վահան Քերոբյանի գնահատականը շինարարության ոլորտին կապված է նրա հետ, որ մեծ թվով նախագծեր են նախապատրաստվում: Այս մասին հունիսի 2-ին լրագրողների հետ զրույցում ասաց Հայաստանի էկոնոմիկայի փոխնախարար Ավակ Ավանեսյանը:
Նա հավաստիացրեց, որ Էկոնոմիկայի նախարարի պաշտոնակատարը, ով այժմ մասնակցում է Սանկտ Պետերբուրգում անցկացվող միջազգային խոշոր ֆորումին, ամեն օր հանդիպումներ է ունենում ներդրողների հետ, ուստի կարելի է ասել, որ ակտիվություն կա: «Եթե համեմատենք տվյալները 2019-ի հետ, ապա կարող ենք ասել, որ շինարարության ոլորտում նոմինալ թվերը վերականգնվում են»,- հավելեց փոխնախարարը:
Ավանեսյանը նշեց, որ կառավարությունն առաջնահերթություն է համարում ենթակառուցվածքային օբյեկտների կառուցումը՝ ճանապարհներ, ջրամբարներ, դպրոցներ եւ այլն:
Անդրադառնալով իրավիճակին գյուղատնտեսության ոլորտում՝ պաշտոնյան շեշտեց, որ վերջին տարիներին զարգանում է ինտենսիվ այգիների ուղղությունը: «Կառավարությունը կշարունակի խթանել այս ուղղությունը: Դրանից բոլորը միայն կշահեն»,- եզրափակեց նա:
Հիշեցնենք, որ Հայաստանի էկոնոմիկայի նախարարի պաշտոնակատար Վահան Քերոբյանն ավելի վաղ մերկախոս հայտարարել էր. «Հայաստանը խոշոր շինհրապարակի է վերածվել, աշխատատեղերի թիվն աճում է, ներդրումները շարունակվում են»: