ՀՀ արտաքին գործերի նախարարի տեղակալները պետք է մասնակցեին չորս մշտական խորհրդարանական հանձնաժողովների համատեղ նիստին, որին քննարկվել է 2020 թվականի պետբյուջեի կատարման տարեկան հաշվետվությունը, սակայն նրանցից ոչ ոք չէր ներկայացել: Արդյունքում, հաշվետվությունը ստիպված էր ներկայացնել հանրապետության արտաքին գործերի նախարարության ֆինանսաբյուջետային վարչության պետ Արմենուհի Գալստյանը:
Ելույթից առաջ Գալստյանին դիմեց «Բարգավաճ Հայաստան» կուսակցության պատգամավոր Միքայել Մելքումյանը: Մասնավորապես, նա հետաքրքրվեց, թե ինչու փոխնախարարները չեն ներկայացել նիստին: Իշխող «Իմ քայլը» դաշինքի պատգամավոր, արտաքին հարաբերությունների մշտական խորհրդարանական հանձնաժողովի ղեկավար Ռուբեն Ռուբինյանը շտապեց պատասխանել նրա հարցին: Նա նշեց, որ արտաքին գործերի նախարարությունից նամակ է ուղարկվել ԱԺ նախագահ Արարատ Միրզոյանին: Դրանում ասվում էր փոխնախարարների զբաղվածության եւ աշխատանքում նրանց գերծանրաբեռնվածության մասին, ինչն էլ բացակայության պատճառ է դարձել:
Նշենք, որ ավելի վաղ անկախ պատգամավոր Թագուհի Թովմասյանը հայտարարել էր, որ բոլոր փոխնախարարները հրաժարական են տվել: