Մեզ այսօր անհաժեշտ է ապահովել մեր երկրի անվտանգությունը առաջնային: Այս մասին երիտասարդների հետ հանդիպման ժամանակ ասել է ԲՀԿ ղեկավար Գագիկ Ծառուկյանը:
«Ժողովուրդը լարված է, անհանգիստ է, մտահոգ է, իսկ ես դա առաջինն եմ ասել, առաջնային խնդիրը մեր երկրի, մեր պետության, մեր ժողովրդի անվտանգությունն է: Մեր երկրի անվտանգությունը միայն ու միայն կարող է ապահովել Ռուսաստանը: Պետք է նոր ռազմաքաղաքական փաստաթուղթ ստորագրվի Ռուսաստանի հետ, որ մեր երկրի անվտանգությունը ապահովենք, նոր դրանից հետո անցնենք մյուս քայլերին»,- ասաց նա:
Գագիկ Ծառուկյանի խոսքով` իրենց ընտրվելու դեպքում իրենք ուշադրություն են դարձնելու կրթության ոլորտին,որպեսզի այն դառնա մատչելի եւ որակյալ:
Անդրադառնալով երիտասարդներին բնակարաններով ապահովելու խնդրին, Գագիկ Ծառուկյանն ասաց, որ վարչական շրջաններում պետք է բնակարաններ կառուցվեն եւ առանց կանխավճարի եւ տոկոսադրույքի տրամադրեն երիտասարդներին:
«60-75 հազար պետք է վճարեն եւ ասենք 10-12 տարի հետո դառնա երիտասադների սեփականությունը»,-ասաց նա:
Գագիկ Ծառուկյանը նաեւ անդամատոմսեր է հանձնել ԲՀԿ անդամագրված հարյուրավոր երիտասադներին:
Մանրամասները` տեսանյութում:
