Մենք կգնանք գյուղտնտարտադրանքի արտադրության արժեքի 5 տոկոս սուբսիդավորման ճանապարհով։ Այս մասին Կոտայքի մարզի Եղվարդ քաղաքում հունիսի 11-ին, նախընտրական քարոզչության ընթացքում ասաց երկրորդ նախագահ, «Հայաստան» դաշինքից վարչապետի թեկնածու Ռոբերտ Քոչարյանը։ Նա նշեց, որ դա նախատեսված է Առեւտրի համաշխարհային կազմակերպության կողմից։
Իր հերթին, «Հայաստան» դաշինքից պատգամավորի թեկնածու Վահե Հակոբյանն ավելացրեց, որ ֆերմերները սերմացու կգնեն ուղղակիորեն կամ ներմուծողներից, կամ պետությունից, այսինքն՝ միջնորդները դուրս կգան համակարգից։ «Բացի այդ, կստեղծվեն նաեւ աջակցության այլ ձեւեր, այդ թվում լիզինգի համակարգը»,- հավաստիացրեց նա։
