Հունիսի 14-ին, ժամը 21։54-ին Ճգնաժամային կառավարման ազգային կենտրոն ահազանգ է ստացվել, որ Երևանի Մուրացանի 2-րդ փողոցում հրդեհ է բռնկվել։
Հայաստանի ԱԻՆ-ից NEWS.am-ին հայտնում են, որ դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:
Պարզվել է, որ հրդեհը բռնկվել է Նոր Արեշի 2-րդ փողոցի տներից մեկում։
Հրդեհի բարդության աստիճանը բարձրացվել է «1 ԲԻՍ» և դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և Ճգնաժամային կառավարման ազգային կենտրոնի օպերատիվ խմբերը, Հոգեբանական աջակցության բաժնի հերթապահ հոգեբանը:
Հրդեհը մեկուսացվել է ժամը 22։32-ին, մարվել՝ 22։48-ին։
Այրվել են տան տանիքը (մոտ 120 քմ), 2 սենյակ՝ գույքով, բաց պատշգամբի փայտե կառուցատարրերը, խորդանոց և սանհանգույց:
