News
Լրահոս
News
Չորեքշաբթի
Մայիս 29
Տեսնել լրահոսը

Ընտրություններն անցան մրցակցային եւ լավ կազմակերպված միջավայրում, հիմնարար իրավունքներն ու ազատությունները հիմնականում հարգվում էին: Հունիսի 21-ին լրագրողների հետ հանդիպմանն այս մասին ասաց ԵԱՀԿ ԽՎ պատվիրակության ղեկավար Քարի Հենրիքսենը:

Նա նշեց, որ նախընտրական քարոզարշավի ընթացքում ծայրաստիճան բեւեռացում կար, եւ նաև բացասական գործոն է այն, որ ընտրություններն անձնավորված էին:

«Կանանց դերը բավականին ակտիվ էր, ինչին նպաստեցին նաեւ Ընտրական օրենսգրքի փոփոխությունները: Մեր առաջարկներից շատերն իրականացվել են, մասնավորապես՝ կանանց ներգրավվածության մասով»,- ընդգծեց Քարի Հենրիքսենը:

ԵԽԽՎ պատվիրակության ղեկավար Գիորգի Կատրուգալոսը նույնպես դրական գնահատեց ընտրությունների կազմակերպումը:

«Ընտրատեղամասերում մենք տեսանք աննշան տեխնիկական խախտումները. դրանց մի մասը գերծանրաբեռնված էր, իսկ որոշներում ապահովված չէր հաշմանդամություն ունեցող անձանց մատչելիությունը: Իշխանությունների կողմից խախտումների մասին արձանագրություններ են կազմվել, բայց այդ ամենը, որպես ամբողջություն, կասկածի տակ չի դնում ընտրությունների ժողովրդավարական բնույթը եւ սահմանադրականությունը: Եթե ​​պետությունը ժողովրդավարական է, ապա բոլոր լիազոր մարմինները պետք է լինեն հետեւողական եւ ուսումնասիրեն բոլոր դիմումները ու բողոքները»,- ասել է նա:

Հիշեցնենք, որ Հայաստանում հունիսի 20-ին տեղի ունեցան Ազգային ժողովի արտահերթ ընտրությունները, որոնց արդյունքում նոր խորհրդարանում կլինի երեք քաղաքական ուժ ՝ «Քաղաքացիական պայմանագիրը» (գլխավորում է ՀՀ վարչապետի պաշտոնակատար Նիկոլ Փաշինյանը), «Հայաստան» դաշինքն ու «Պատիվ ունեմ» դաշինքը:

Նշենք, որ նախընտրական քարոզչության ընթացքում, ինչպես նաեւ ընտրությունների օրը բազմաթիվ ազդանշաններ եղան տարբեր կազմակերպությունների եւ քաղաքացիների կողմից, այդ թվում՝ միջազգային դիտորդներին ուղղված, ովքեր կոչ էին անում արձագանքել եւ միջանկյալ գնահատականներ տալ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
2021թ. ԱԺ ընտրություններին ընտրակաշառք տալու գործով հերթական դատավճիռն է կայացվել. Մեղադրյալը ԲՀԿ-ից է
ՀՀ ոստիկանության Գավառի բաժնում 2021թ. հունիսի 9-ին ՀՀ քրեական օրենսգրքի…
2021թ. ԱԺ ընտրությունների հետ կապված 29 գործով դատի է տրվել 53 անձ, 6-ի վերաբերյալ կա մեղադրական դատավճիռ. ամփոփում
Ըստ այդմ՝ նախաքննության և հետաքննության մարմիններին ուղարկված հաղորդումների առթիվ ընդհանուր առմամբ հարուցվել է 87 քրեական գործ, որոնցով...
ԱԺ արտահերթ ընտրությունների հետ կապված 22 գործով դատի է տրվել 46 անձ, 76 տոկոսը՝ ընտրակաշառքի համար. ամփոփում
Մեղադրյալներից 8-ը եղել են արտահերթ խորհրդարանական ընտրություններին մասնակցած կուսակցության կամ կուսակցության դաշինքի թեկնածուներ…
ԵԽԽՎ դիտորդական հանձնաժողովի ղեկավար. Հայաստանի ընտրողների մոտ 25 տոկոսը ներկայացված չէ խորհրդարանում
Նրա խոսքով՝ միակ բացառությունը բավական բարձր անցումային շեմն էր՝ 5 տոկոս կուսակցությունների համար եւ 7 տոկոս կոալիցիայի համար։
«ՔՊ». Այս տարվա արտահերթ խորհրդարանական ընտրություններն ամենալեգիտիմն էին Հայաստանի պատմության մեջ
«Հաշվի առնելով այդ ամենը՝ ես ամբողջ պատասխանատվությամբ հայտարարում եմ...
ԱԺ արտահերթ ընտրություններին ընտրական հանցագործությունների մասին 16 գործ՝ 24 անձի վերաբերյալ, ուղարկվել է դատարան
ՀՀ գլխավոր դատախազությունը շարունակում է ներկայացնել 2021թ. հունիսի 20-ին կայացած ՀՀ Ազգային ժողովի արտահերթ ընտրությունների ողջ ընթացքում, ինչպես...
Ամենաշատ
Ֆոտոռեպորտաժներ