News
Լրահոս
News
Երկուշաբթի
Հուլիս 26
Տեսնել լրահոսը

Նոր տարբերակում ինտերֆեյսը զգալիորեն փոխվել է: «Սկիզբ» կոճակը ներքեւի ձախ անկյունից տեղափոխվել է առաջադրանքների տողի կենտրոն, որտեղ գտնվում են հավելվածների պատկերակները: Հավելվածներն այժմ ունեն կլորացված անկյուններ եւ նոր անիմացիաներ: Բացի այդ, թարմացվել են համակարգի ձայները, ինչպես նաեւ աշխատասեղանի պաստառների հավաքածուն, հաղորդել է ՌԲԿ-ն:

Ընկերությունը ներկայացրել է նաեւ նոր գործառույթ նրանց համար, ովքեր աշխատում են բազմախնդրության ռեժիմում՝ բաց պատուհանները կարելի է դասավորել ըստ տրված ​​շաբլոնների՝ օգտագործելով Snap Layouts գործառույթը: Բացի այդ, Snap Group գործառույթը կօգնի միավորել հավելվածները խմբերի մեջ եւ հիշել պատուհանների տեղադրությունը էկրանին: Windows-ն այժմ ունի առանձին էջ՝ Windows Widgets-ի անհատականացված վիջեթներով. արհեստական ​​ինտելեկտի օգնությամբ դրանք ընտրում են օգտատիրոջ համար հարմար տեղեկատվությունը:

Android հավելվածները եւս այժմ լիարժեք աջակցություն կունենան. դրանք կարելի է ֆիքսել առաջադրանքի տողում, «Սկիզբ» մենյուում, աշխատասեղանին դրանց համար դյուրանցումներ ստեղծել եւ այլն:

Microsoft-ը նաեւ հավաստիացրել է, որ Windows 11-ը «ամենապաշտպանված» օպերացիոն համակարգն է եւ առաջադրանքների մեծ մասի դեպքում աշխատում է ավելի արագ, քան Windows 10-ը: ՕՀ-ի թարմացումների չափը կկրճատվի 40 տոկոսով, իսկ դրա արդյունավետությունը կմեծանա՝ ֆոնային ռեժիմում առաջադրանքների հետ աշխատելու կատարելագործման շնորհիվ:

Հաջորդ շաբաթվա սկզբին նոր օպերացիոն համակարգը առաջին անգամ կթողարկվի Windows Insider ծրագրի անդամների համար (սակայն դրանից սքրինշոթեր էին արտահոսել նախքան շնորհանդեսը), իսկ սովորական օգտատերերի համար թողարկումը նախատեսվում է աշնանը: Windows 11-ի թարմացումը անվճար կլինի Windows 10 ունեցողների համար:

Windows 11-ը կաշխատի միայն 64-բիթանոց համակարգերով, օպերացիոն հիշողությունը պետք է լինի առնվազն 4 ԳԲ, իսկ համակարգիչը պետք է ունենա DirectX 12-ի կողմից աջակցվող վիդեո քարտ:

Windows-ի վերջին տարբերակը` Windows 10-ը, թողարկվել է 2015 թվականին, տարեկան երկու թարմացումով: Օպերացիոն համակարգի նոր տարբերակի ներկայացման ամսաթիվը հայտնի է դարձել հունիսի սկզբին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նախագահը արհեստական բանականության ոլորտում համագործակցության հարցեր է քննարկել YAMAHA ընկերության ներկայացուցիչների հետ
Նախագահ Սարգսյանը ընկերության ներկայացուցիչների հետ քննարկել է փոխգործակցության…
Սթիվ Ջոբսի՝ աշխատանքի ձեռագիր դիմումը կրկին աճուրդի է հանվել
Ջոբսը դիմումը գրել է Ռիդ քոլեջը թողնելուց հետո եւ Apple-ը հիմնելուց երեք տարի առաջ...
Դուբայի իշխանությունն անօդաչուներ է օգտագործում անձրեւ առաջացնելու համար
ԱՄԷ-ում օդի ջերմաստիճանն ամռանը հասնում է 48 աստիճանի...
Ստեղծվել է ճկուն պրոցեսոր
Մասնագետները բացատրել են, որ ճկուն էլեկտրոնային սարքերը, ի տարբերություն սովորական կիսահաղորդչային սարքերի, ստեղծված են այլընտրանքային հիմքերի վրա...
Ձեռներեցության Աշխարհի Գավաթ. Եվս մեկ հնարավորություն հայկական ստարտափների համար
Բացի ֆինանսական օժանդակությունից, SoftConstruct ընկերությունը ունի մասնագիտական ներգրավածություն։ Ընկերության ներկայացուցիչ Ինգա Վարդանյանը ներկայանալու է, որպես հիմնական ժյուրիի անդամ, ով...
Ստեղծվել է Մարիո խաղացող ռոբոտ-ձեռք
Նախագծի շրջանակում Մերիլենդի համալսարանից (ԱՄՆ) հետազոտողները եռաչափ տպիչով տպել են փափուկ ռոբոտ-ձեռք․․․