ՄԱԿ-ը մտածում է կարեւոր քայլի մասին պլաստիկից փաթեթների հետեւանքով էկոլոգիային հասցվող վնասի դեմ պայքարում. խոսքը վերաբերում է որոշակի քիմիկատի հնարավոր արգելքի մասին, որը հաճախ օգտագործվում է դրանց արտադրության մեջ, հաղորդում է Daily Mail պարբերականը Greenpeace-ի հետ համատեղ հրապարակման մեջ:
UV-328 նյութը պարունակվում է փաթեթների բազմաթիվ տեսակներում՝ չնայած հետազոտությունները ցույց են տալիս դրա հնարավոր վտանգը մարդու եւ կենդանիների առողջության համար: Քիմիկատը մեծ չափաբաժիններով կուտակվում է կենդանի էակների օրգանիզմներում եւ կարող է բացասաբար ազդել լյարդի եւ երիկամների աշխատանքի վրա, հաղորդում է Lenta-ն:
Գիտնականները, որոնց հղում է անում պարբերականը, համարում են, որ UV-328-ի արգելքը կդառնա առաջին աստիճանը պլաստիկից փաթեթներն անցյալում թողնելու համար: Այդպիսի արգելքի առաջարկը ներկայացրել են Շվեդիայի ներկայացուցիչները ՄԱԿ-ի համաժողովի ժամանակ. այժմ քննարկում են դա կարգավորող մարմինները:
Նշվում է, որ ինդուստրիալ ձեռնարկությունները դժգոհ են այդպիսի արգելքի հեռանկարից եւ ներկայում պայքարում են դրա դեմ, ինչը նաեւ արվում է որոշ այլ վտանգավոր քիմիկատների նկատմամբ: