Կայացվել է մեղադրական դատավճիռը թայլանդական բռնցքամարտի աշխարհի չեմպիոն Աշոտ Բոլյանի սպանության գործով ամբաստանյալների նկատմամբ, «ՌԻԱ Նովոստի»-ն մեջբերում է Ռուսաստանի ՔԿ Մոսկվայի շտաբի պետի ավագ օգնական Յուլիա Իվանովայի հաղորդագրությունը:
Քննությունը պարզել է, որ հանցագործության կազմակերպիչը գտել է երկու հանցակցի. մեկը հետեւում էր տան մուտքի մոտ Նախիմովսկի պողոտայի վրա, որտեղ ապրում էր զոհը: 2019-ի նոյեմբերի 13-ի երեկոյան, երբ մարզիկը դուրս էր եկել փողոց, հարձակվողը վազել էր նրա մոտ եւ սպանեց նրան գլխին կրակոցով, ապա լքել էր դեպքի վայրը հանցակցի ավտոմեքենայով:
2019-ի նոյեմբերին հաղորդվում էր, որ անհայտ անձը գնդակահարել եւ սպանել է թայլանդական բռնցքամարտի աշխարհի 40-ամյա չեմպիոն, ծնունդով հայազգի Աշոտ Բոլյանին Մոսկվայի Նախիմովսկի պողոտայում գտնվող տան մոտ: ՔԿ-ում նշել են, որ բռնցքամարտիկի սպանությունը կարող է կապված լինել նրա բիզնես գործունեության հետ:
«Ատենակալների կոլեգիայի կողմից ապացույցները բավարար են ճանաչվել 1971, 1982 եւ 1984 թվականներին ծնված երեք տղամարդու նկատմամբ մեղադրական դատավճիռ կայացնելու համար»,- ասել է Իվանովան:
Կախված յուրաքանչյուրի դերակատարությունից՝ նրանք մեղադրվում են սպանության կազմակերպման, սպանությանը օժանդակելու եւ մի խումբ անձանց կողմից նախնական դավադրության միջոցով զենքի ապօրինի շրջանառության մեջ: Դատարանը վճիռ կկայացնի մեղադրական դատավճռի հիման վրա, հավելել է Իվանովան: Ամբաստանյալներին հաջողվել էր հայտնաբերել 2020 թվականի մարտին:
